God se dienaars om ons!!!!

Ek wil graag die volgende aanhaal , voordat ek met al my stories begin . Waar God se dienaars teenwoordig was in my lewe.

Openbaring 22:6-9
Toe se die engel vir my: "Hierdie woorde is betroubaar en waar. Die Here God, wat sy Gees aan die profete gee, het Sy engel gestuur om vir sy dienaars te bewys wat binnekort moet gebeur."
Toe ek dit gehoor en gesien het, het ek voor die voete van die engel wat dit alles vir my gewys het, op my kniee neergeval om hom te aanbid. " Pas op, moenie!' se hy toe vir my. Ek is n mededienaar van jou en van jou medegelowiges,die profete en die wat die woorde van hierdie boek ten harte neem. Aanbid God!

Daar is mense wat glad nie die dienaars (engele) van God wil erken nie. Maar hul is daar om ons te help. En God is goed vir ons, om sulke dienaars aan sy gelowige kinders te stuur in hierdie wereld en sy dinge. In my my vorige blog het ek geskryf oor die lewe in die "nou". Maar soos daar mededienaars is van God is daar ook n ander kant, naamlik die Satan se volgelinge. Maar sal in my volgende blog daaroor skryf.
Engel van die Here van God is die benaming:
n besondere hemelse wese wat as boodskapper en gevolmatige van die Here optree om redding uit gevaar , of beskerming, oordeel of vernietiging te bring of aan te kondig. Soos in die eintyd sal die engel verskyn.

Daniel 12
In daardie tyd sal Migael, die groot engel wat oor die lede van jou volk waghou, op die toneel verskryn.

Ondervinding een : Met n Engel wat in n mens vorm my kom help het.

Hebreers 13:2
Moenie nalaat om gasvry te wees nie, want deur gasvry te wees, het somminge mense sonder dat hulle dit geweet het, engele as gaste gehuisves.

Psalm 34:8-9
Die engel van die Here slaan sy laer op rondom die wat die Here dien, en red hulle. Kom ondervind en sien self dat die Here goed is!

Ek was in matriek in die jaar 1994. Daar was 3 ander mense saam met my in my kar. Ons het op n kleinhoewe gebly en moes in dorp toe ry skool toe. Dit het gebeur op die van der hoff pad uit daarna die kleinhoewes. Terwyl ons ry , en amper moes afdraai om op die grond pad te kom , het ek gesien dat n wiel verby ons kom. Ek het besef dat dit my kar se wiel is , en het in my gedagtes gevra vir bystand. Die kar het gelukkig regop gebly en ons het gestop langs die pad. Ons vier het uitgeklim , met groot verbasing. Daardie tyd was daar nog nie "Cell phones" nie. Ek het in n westelike rigting gekyk en n geel datsun bakkie het gestop . En die man het uitgeklim en nie n woord gepraat met ons nie. Hy het gekyk , sy gereedskap uitgehaal en my wiel weer op gesit. Toe hy klaar is , het hy sy gereedskap agter op sy bakkie gesit en in sy kar geklip en weer terug gery van waar af hy gekom het. Toe ek nog so kyk het die bakkie verdwyn. En ek het dankie in my hart gese.

Ondervinding twee: Waar n engel my gevang het terwyl ek geval het.

Psalm 91:11-12
Hy sal sy engele opdrag gee om jou te beskerm waar jy ook al gaan. Op hulle hande sal hulle jou dra, sodat jy nie jou voet teen n klip sal stamp nie.

Dit was n week voordat ek sou 40 geword het. Ek het gehelp om die afdak op te sit. Ek was op n leer en was dak hoogte toe dit skielik gebeur het. Die leer het onder my uitgeval en ek het agteroor geval . En dit het gevoel of ek in "slow motion" alles beleef het. Op daardie oomlik het ek net gedink Here dit is my laaste dag die? Die harde sement vloer wag vir my daaronder. In die helfte van die val , kon ek letterlik voel hoe my val verminder word en dan .....hard neer gesit word. Ek het my oe oop gemaak , my seun het gese my kop bloei en ek het gelag en gese "nee, man . dit is my vinger" Het n paar steke gekry en n dag later die blou kolle. Die hospitaal personeel kon dit nie glo nie.

Psalm 103:20
Loof die Here, magtige engele wat Sy opdragte uitvoer, sy bevele gehoorsaam.

Ondervinding drie: Waar n engel in my droom die antwoord op n gebed gebring het.

Sagaria 1:9
n Engel wat vir my die gesig moes uit le, het vir my gese: " Ek sal jou laat sien wat dit beteken."
Sagaria 4:4
Ek vra toe vir die engel wat vir my die gesigte moet uitle:"wat beteken dit , Meneer?

Ek was in die learskool, seker in standard 1 . Ons het op die kleinhoewe gebly , en daardie jaar was dit uiters droog. My pa het geboor vir water, maar dit het geld gekos. En as die water nie kom nie , is dit soos geld in die stof. En ons sou moes trek, en ek was lief vir my huis en skool met my maatjies. Ek het daardie aand gebid en gevra vir water. Dit was seker n dag of so, toe kom daar n engel in my droom na my toe met n blou papier en my skoolwapen daarop. Ek het daarna gekyk en in my gedagtes gevra wat dit beteken. En hy het gese dat die blou papier , dui op water en dat ek nie gaan trek nie . Ek gaan in my skool bly , by my maatjies. Die engel het opgevaar. En ek het wakker geword. Die volgende dag , was daar water en weet julle wat. My ouers bly nog steeds daar. Daar is vrugte bome, en n groete tuin . Skape , hoenders en soveel meer. Amen.

In Openbaring 8 en 16 : word 7 engele beveel deur God om  sewe trompette te blaas en sewe bakke oor die aarde uittegooi in die eindtyd.

En die wonder as ons dood gaan. Ons hoef nie bang te wees nie.

Lukas 16:22
Toe die arm man te sterwe kom, is hy deur die engele weggedra na die ereplek langs Abraham.

En God gaan voor sy engele ons prys of oordeel

Lukas 12:8-9
Ek se vir julle: Elkeen wat hom voor die mense openlik vir My uitspreek, vir hom sal die Seun van die mens Hom ook openlik uitspreek voor die engele van God. Maar hy wat My voor die mense verloen, sal voor die engele van God verloen word. 

Ten laaste die engele en die hemelse wense word onderskei in :

Jesaja 6:2
By Hom was daar serafs om Hom te dien. Elkeen het ses vlerke gehad: met twee het hy sy gesig bedek, met twee sy voete en met twee het hy gevlieg.

En daarom kan ons saam met die serafs uitroep in :

Jesaja 6:3
Heilig, heilig, heilig, is die Here die Almagtige! Die hele aarde is vol van sy magtige teenwoordigheid.

Ek vra weer ? Watter kant gaan jy kies? Die ewige lewe of  die ewige dood?

Baie dankie ons God.

AMEN AMEN AMEN

Om GEESTELIK in die "NOU" te leef.

Ons moet in die "nou" leef. Ons moet leef of dit ons laaste dag is op aarde. Ons harte moet oop wees vir God se boodskappe. Ek moet bieg, God gee my boodskappe in drome "visioene"  , dit het vroeg in my lewe al begin . Maar die verskil is dat die boodskappe nou baie meer ernstig is.

En daar was vir my in 2018 gewys van sy wederkoms en sewe maande later in 2019 die gebeure voor die  wederkoms. Ek vertel dit graag aan die mense na aan my. Ek is n privaat mens , en dit is vir my moeilik om dit te deel met die wereld. Maar dit word nou van my verwag.

Want God het ander planne met my. So paar weke voordat ek die blog begin het , het God my een aand 3 uur in die oggend wakker gemaak en my gedagtes besig gehou met sy woord en dat ek Sy kruis moet optel en moet uitreik oor al die dinge oor sy koningkryk en dit wat nog kom.

Weereens is ek maar net mens en hardkoppig. Ek het vir God gese dat ek moeg is en dat ek nou wil slaap. Ek het Hom gevra om my te wys en leiding te gee oor hoe ek die taak moet verrig. En toe gebeur dit twee dae later. My predikant bel my en sy hy wil graag kom huisbesoek doen. Ek het n glimlag gehad , want ek het geweet, dit was die antwoord met my gesprek met die Here. Met die besoek het die predikant bevestig dat hy verby ons straat gery het die vorige week , en die gevoel op sy hart was om by ons huisbesoek te kom doen.

Sien, God maak ons bewus, maar is ons in die "nou" om na Hom te luister? Ek het raad gekry , oor hoe om die boodskap van God na mense buite die kerk te kry. My man het gese :" begin n blog" . My vriendin by die werk het gese:" haar hart se ek moet n blog begin".  Ek het gese : "dit is n goeie idee, maar ek is nie n skrywer nie". En so het God my toe weer bewus gemaak van hoe belangrik dit is om Sy kruis op te tel vir Hom. En so het dit gekom:

Elke oggend ry ek die selfde pad werk toe, maar die een oggend laat God my in die verkeer vassit. My musiek in die kar was kliphard.  En toe hoor ek iemand God se naam uitroep. Ek skakel die musiek sagter en kyk toe op. En daar loop n swart man met n pak klere en tekkies verby my kar en in sy hand het hy die Bybel . Hy se :'God kom". Die trane het geloop tot in my kantoor.

Onmiddelik het ek geweet dat God my bewustelik maak van die taak op hande. Ek moet die kruis optel vir Hom en loop.En die tyd raak min.

Wat ons as, bewustelike gelowiges : moet doen vir die wat nog  in n dwaal is in die wereld.

Judas 1:22-23
Oor die wat in twyfel verkeer, moet julle julle ontferm. Ander moet julle red deur hulle uit die vuur te ruk. Oor ander moet julle julle met versigtigheid ontferm, en verafsku selfs die klere wat deur hulle sondige luste besmet is.

Een aand het God my weer bewustelik  laat kyk na die TV. "ek hou nie van die nuus nie" Dit was wereld nuus. En op daardie minuut het n vrou gese: sonder om te blik of te bloos die volgende :"Dat vroue alleenlik die reg het om aborsies te verkry en  dat dit alleenlik oor haar gaan. God het nie n keuse in die saak nie." My hart het gebrand van angs. Satan werk deur die goddelose mense. In n werksituasie het iemand gese:"Wie ook al die aarde gemaak het moet dit kom reg maak!" Dit het n persoon gese wat n kerkganger is. Ek weet nie van julle nie, maar dit maak my bewus van wat aan die gang is in die wereld. Is julle bewus?

Wees bewus van die gewettelose mense in jou daaglikse bedrywigheid. Staan op vir God teen hul en bring die wat lou is van hart na Jesus.

2 Tessalonisense 2:3- 12

Laat niemand julle op watter manier ook al mislei nie. Die dag van die Here sal nie aanbreek voordat die laaste afvalligheid gekom het en die wettelose mens wat vir die verderf bestem is, sy verskyning gemaak het nie. 

• Hy sal hom verset teen al wat God genoem word of
• wat as heilig vereer word,
• en hy sal hom bo hulle verhef.
• Hy sal selfs in die tempel van God gaan sit en voorgee dat hy God is,

En julle weet nou wat hom nog teehou, sodat hy eers as dit sy tyd is, sy verskyning sal maak.
Die geheime krag van die wetteloosheid is al aan die werk, maar die een wat die wettelose teehou, moet eers uit die weg wees, en dan sal die wettelose self op die toneel verskyn.

Deur die werking van die Satan sal die verskyning van die wettelose gepaard gaan met,

• groot magsvertoon en 
• allerhande vals tekens en wonders en
• met gruwelike misleiding van die wat verlore gaan

omdat hulle nie die waarheid liefgehad en tot hulle redding aanvaar het nie. ( dit is die keuse wat ons elkeen moet maak, en dit is n leefwyse ) en nie n "emosie" besluit nie. Jy is of warm of koud. Lou verwerp die Here. Jy kan nie net n mooiweers gelowige wees nie.

Dit is ook waarom God hulle aan die mag van die dwaling oorgee, sodat hulle die leuen sal glo. 
En so sal almal wat nie die waarheid geglo het nie, maar die ongeregtigheid verkies het , veroordeel word.

Ek sluit af met :2 Tessalonisense 3:2 -bid vir ons en vir mekaar
Bid ook dat ons van verkeerde en slegte mense verlos word, want nie almal is gelowiges nie.

Mag almal in die "NOU" leef vir God tot ons Jesus weer kom .

Amen

Mense moet terug keer na die 10 wette van God om hul land en siele te red.

Almal waarmee ek praat , vra die selfde vraag oor en oor. En dit is :"Is die duiwel los, hoekom al die onruste en ontvoerings en so meer?" Die antwoord is vir my gegee , en my oe het oop gegaan vir dit wat werklik hier aan die gaan is in ons land en die hele wereld. Dit word duidelk  wanneer die 10 wette (gebooie) van God nie te harte geneem word nie, daar is verskeie voorwaardes  . Dit is of seeninge of strawwe.

In Deuteronomium 28:32-34 en 41-46 staan geskrywe:
Jou seuns en dogters sal aan n vreemde volk gegee word terwyl jy toekyk, en jou oe sal ingee soos jy die hele dag kyk of hulle terugkom, maar jy sal niks daaraan kan doen nie. n Volk wat jy nie ken nie , sal die opbrengs eet van jou lande en alles waarvoor jy jou afsloof. Daar sal deurentyd net verdrukking en swaarkry vir jou wees, en jy sal kranksinnig word van wat jy sien.

Jy sal seuns en dogters he, maar jy sal hulle nie behou nie, want hulle sal as ballinge weggevoer word. Goggas sal jou bome en die opbrings van jou lande oorneem. Die vreemdeling wat by jou woon, sal meer en meer kry, en jy sal agteruitboer en minder en minder he. Hy sal aan jou leen , jy sal nie aan hom leen nie. Hy sal die kop wees en jy die stert. Al hierdie strawwe sal oor jou kom. Hulle sal jou tref en by jou bly totdat jy uitgeroei is, omdat jy nie na die opdrag van die Here jou God geluister het nie en nie sy gebooie en voorskrifte wat Hy jou gegee het, gehoorsaam het nie. Die gebooie en voorskrifte moet altyd vir jou en jou kinders n waarkuwingsteken wees.

LEES GERUS DEUTERONOMIUM 28. VAN DIE BEGIN AF.

Die seeninge is groot as jy na die Here jou God se wette , gehoorsaam. Jy sal geseend wees in die stad, oop veld, nageslag,boerdery en so meer.

Die 10 gebooie is vir my soos die boom van kennis van goed en kwaad.Wanneer n mens die wette nie nakom nie , doen jy kwaad en die Satan is die oorwinnaar. Hy lieg en bedrieg sodat die mense se siele swart en verlore gaan word . Deurdat Eva van die boom van kennis van goed en kwaad geeet het, het ons nou n keurse vir wie  ons gaan stem. Want ons oe is oop gemaak en soos , ek in my eerste blog gese het. Dit is nou die tyd om reg te maak en die regte keuse te maak. Die tyd raak min.  Bekeer erder as om die wereld dinge te begeer. Om die wette gehoorsaam te wees , sal die ewige lewe as prys gegee word. Mense se : maar Jesus het vir ons sonde gesterwe en ons is gered. Ja, maar jy moet nie aanhou sonde doen nie. Jy moet die ou mens weggooi en linne klere aantrek. Daar is twee paaie die smal pad en die bree pad. En die smal pad na die hemel is moeilik .



Eksodus 20 (Die 10 goebooie van God)

1. Jy mag naas My geen ander gode he nie -  Satan se wet hier is  om aardsegoedere te verkry en jou aandag op goedere te spandeer wat stof opgaar , om meer en meer geld te maak  en sodoene vir jou afgode te werk. En dan het jy nie vir God tyd nie. Markus 8:35
2. Jy mag nie vir jou n beeld of enige afbeelding maak van wat in die hemel daarbo of op die aarde is nie. Jy mag hulle nie vereer of dien nie, want Ek die Here jou God, eis onverdeelde trou aan My.- Satan wil he jy moet alles wat mooi is besit , en dit word later jou enigste doel en afgod.Romeine 1:20-25
3. Jy mag die Naam van die Here jou God nie misbruik nie, want die Here sal die een wat sy Naam misbruik, nie ongestraf laat bly nie.-Satan kry lekker as mense die Here se naam misbruik. Soms hoor ek mense gebruik die Here se Naam wanneer hul kwaad of verbaas is. En natuurlik die afkortings in flieks en so meer. Romeine 2:24
4. Sorg dat jy die sabbatdag heilig hou. Ses dae moet jy werk en alles doen wat jy moet, maar die sewende dag is die sabbat van die Here jou God.- Satan wil he ons moet vergeet om n rus dag te he , sodat die fokus op selfsig moet val . Om te werk en geld te verkry vir goedere .Eksodus 23:10-13
5. Eer jou vader en jou moeder, dan sal jy lank bly woon in die lant wat die Here jou God vir jou gee.-Satan hou so baie van hierdie een , sodat ongehoorsaamheid, vervloeking en verdriet tussen huisgesinne moet plaasvind. Dit lei to selfsigtigheid en die eie ek simdroom.Matteus 15:3-6
6. Jy mag nie moord pleeg nie.-Satan  laat ons moord pleeg deurom kwaad te word, haat uittespreek teen oor ander . Dan word mense natuurlik ook dood gemaak vir die ewel naamlik geld. Aborsie is groot. Want God se plan kan nie uitgevoer word nie. En mens se selfsig.Galasiers 5:19-21
7. Jy mag nie egbreuk pleeg nie. Satan verwoes mense en gesinne met ontrouheid met selfsig vir plesier. Hy wil he julle moet van mekaar skei, want God het gese wat hy saam sit , mag geen mens skei nie. 1Timoteus 6:10 en Efesiers 5:5
8. Jy mag nie steel nie.-Satan wil he jy moet steel , sodat jy jou eie selfsig kan bevredig naamlik geld en so meer. Luiheid dra by, hoekom moet ek werk vir geld as ek dit net kan steel.Efesiers 4:28
9. Jy mag nie vals getuienis teen n ander geen nie.-Satan gebruik vals getuienis to sy eie voordeel. Hy het dit gebruik met Eva. Deur te lieg is om iemand se hart te vermoor. En dan pleeg jy moord terselfde tyd.Eksodus 23:1-3
10.  Jy mag nie iemand anders se huis begeer nie. Jy mag nie sy vrou vegeer nie, ook nie n slaaf of slavin, n bees of n donkie, of enigiets anders wat aan hom behoort nie. ( dit is vir my die samevatting van die 10 wette.) Dit word weer herhaal , sodat ons dit moet ernstig opneem in ons harte.

1 Johannes 5:3-4
Die liefde vir God bestaan dan daarin dat ons sy gebooie gehoorsaam. Sy gebooie is ook nie moeilik om te gehoorsaam nie, want enigeen wat n kind van God is, kan die sondige wereld oorwin.
Matteus 19:17
Hy (Jesus)het vir hom gese: Waarom vra jy My uit oor wat goed is? Daar is net Een wat goed is. Maar as jy die ewige lewe wil ingaan, onderhou die gebooie.
Matteus  5:18
Dit verseker Ek julle: Die hemel en die aarde sal eerder vergaan as die een letter of letterstrepie van die wet sal wegval voordat alles voleindig is.
1 Johannes 2:4
Iemand wat se: Ek ken Hom, maar nie sy gebooie gehoorsaam nie, is n leuenaar, en die waarheid is nie in hom nie.

 So sit die helm op en hou die wette van God in jou wese.

Romeine 7:12 en 22
Die wet is dus heilig, en sy voorskrifte is heilig en reg en goed.
Diep in my wese vind ek vreugde in die wet van God, maar ek vind in my doen en late n ander wet, wat stryd voer teen die wet van my gees.

Wanneer ons vandag besluit het is die antwoord duidelik in :

Openbaring 22:14-15
Geseend is die wat hulle klere was, sodat hulle reg kan he op die boom van die lewe en deur die poorte in die stad kan ingaan.
Buitekant is die dwaalleraars, die bedrieers en die onsedelikes, die moordenaars en die afgodienaars en almal wat valsheid liefhet en doen.


Deuteronomium 30:15-16
Ek het vandag die lewe en die voorspoed , die dood en die teenspoed aan jou voorgehou. As jy die Here jou God lief het en sy wil doen deur sy gebooie, sy voorskrifte en sy bepalings wat ek jou vandag gegee het, te gehoorsaam,sal jy lewe en baie word en sal die Here jou God jou voorspoedig maak in die land wat jy in besit gaan neem.


Mag God se Gees in ons brand soos vuur en ons die kruis sal optel  vir onse Hemelse Vader.

Hemelse Vader , dankie vir die eerste lente reen.

AMEN

GELOOF is n Stromende lewende water

Ek gaan vir julle n storie vertel wat gebeur het. Ek kan getuig oor geloof in God.  Ons was gewaarsku teen  bose mense.

Dit was in die winter van 2011, Ek en my gesin het oor gebly , by my swaar, omdat ons moes wag vir ons nuwe huis se oordrag. Een aand terwyl ons geslaap het, het ek gehoor in my slaap dat honde blaf en dit het my gesteur. Ek het op my sy gedraai en daar was  skielike stem wat met my gepraat het. Hy het gese: Staan op en gaan na die venster. In my slaap het ek gese: nie nou nie , ek wil slaap. En die stem het die keer harder gepraat en vir my gese: Staan op! Gaan kyk by die venster!

Net daar en dan het ek opgespring uit die bed,  ek het nie eers die lig aangeskakel nie. Die kamer waarin ons geslaap het was op die 2de vloer en die tuin buite was verlig. Toe ek uitkyk by die venster,  dit is toe ek sien dat n skelm  vanaf die agterkant van die erf na die huis toe loop. Ek het dadelik my man wakker gemaak om te kom kyk en n 2de een het hom toe gevolg. Hul het in die tuinhuis gaan wegkruip. Ek het dadelik begin bid so in die hardloop ,om die ander huis mense wakker te maak. Ek het vir beskerming gevra vir ons en die honde voor in die erf. Almal het hul oe op die tuinhuis gehad.
Ons was gewapen. Ek het die polisie gebel om te kom , en so het ons gewag en die tuinhuis nie uit die oog verloor nie.

Toe die polisie opgedaag het en na die tuinhuis gegaan het - was daar geen skelms daarin nie. Ons was verbaas, want ons het die tuinhuis dop gehou en hul het nie daaruit gegaan nie. Ek het nog altyd gewonder oor waar die twee verdwyn het. En ek het my dit nie verbeel nie, my man was n oog getuie. En die week het ek die antwoord gekry.
                                                                                   

Wat is geloof? In die Bybel staan daarin:

Hebreers 11:1+3
Om te glo, is om seker te wees van die dinge wat ons hoop, om oortuig te wees, van die dinge wat ons nie sien nie. Omdat ons glo, weet ons dat die wereld deur die Woord van God geskep is: die sigbare dinge het dus nie ontstaan uit iets wat ons sien nie.

Die geloof van ouds leer ons ook so!

Hebreers 11:5
Omdat Henog geglo het, is hy weg geneem sonder dat hy gesterf het, en hy was nerens te vind nie, omdat God hom weggeneem het .Van hom word getuig dat hy ,voordat hy weggeneem is , geleef het soos God dit wou. 

Wat wonderlik is van al die mense van ouds, wat geglo het soos Abel, Noag, Abraham, Josef en so veel meer. Is dat hul gesterf het en die weerderkoms het nie plaas gevind nie. Dit word duiderlik in :

Hebreers 11:13-14
Terwyl hulle steeds geglo het , het al hierdie mense gesterwe sonder om te verkry wat beloof is, maar hulle het dit uit die verte gesien en daaroor gejuig, en hulle het erken dat hulle hier op aarde slegs vreemdelinge en bywonders is. Mense wat so praat, gee daarmee duidelik te kenne dat hulle op soek is na n Vaderland.
Hebreers 11:6
As n mens nie glo nie, is dit onmoontlik om te doen wat God wil. Wie tot God nader moet glo dat Hy bestaan en dat Hy die wat Hom soek, beloon.

So glo , glo, glo vir dit wat ons nog nie kan sien nie, maar verjeug oor God se belofte , dat Jesus gaan terug kom , om ons te kom haal waar Hy vir ons n plek voorberei . Naamlik die Hemelse Vaderland. Ons is nie van die wereld nie. Daarom hoef ons nie bevrees te wees oor die nou in die wereld  nie. Dis van korte duur.

Hebreers 11:6
Maar hulle het na n beter vaderland, dit is die hemelse , verlang. Daarom is God nie skaam om hulle God genoem te word nie: trouens, Hy het vir hulle n stad gereed gemaak.

Is dit nie wonderlik en mooi nie? Ons moet dankbaar wees, wanneer ons geloof getoets word, deur die duiwel en sy bose magte. Vir die volgende redes:

Jakobus 1:2
My broers, julle moet baie bly wees wanneer allelei beproewings oor julle kom, want, soos julle weet, as julle geloof die toets deurstaan het, stel dit julle in staat om te volhard. En die volharding moet end-uit volgehou word sodat julle tot volle geestelike rypheid kan kom, sonder enige tekortkoming.

Jakobus 2:19
Glo jy dat daar net een God is? Dit is reg. Die bose geeste glo dit ook - en hulle sidder van angs.

1 Johannes 5:5
Wie anders is dit wat die wereld oorwin as hy wat glo dat Jesus die Seun van God is?

Johannes 7:38
Met die een wat in My glo, is dit soos die Skrif se: Strome lewende water sal uit sy binneste vloei.

Ek moet al hierdie dinge met julle deel, omdat God die strome lewende water in my binneste laat vloei het vandat ek kan onthou het. Maar Hy het gese ek moet nou na vore kom en almal se harte aan die brand kry vir Hom. Want Jesus kom gou weer, glo en vertrou en moenie oor more bekommer wees nie.

Selfs die bose geeste glo en hulle sidder van angs. Hoe nie te meer moet ons in Hom nie, glo nie. En deur te glo oorwin ons die wereld. (die wereld met die duiwel en sy bose magte)

Ek eindig af met : Die vrug van die vryspraak om dat ons glo.

Romeine 5:1-2 en 3-5
God het ons dan nou vrygespreek deurdat ons glo. Daarom is daar nou vrede tussen ons en God deur ons Here Jesus Christus. Deur Hom het ons in die geloof ook die vrye toegang verkry tot hierdie genade waarin ons nou vasstaan.

Dit is egter nie al nie. Ons verheug ons ook in die swaarkry, want ons weet:

•  swaarkry kweek volharding, en volharding kweek egtheid van geloof, en egtheid van geloof kweek hoop:

en die hoop beskaam nie, want God het sy liefde in ons harte uitgestort deur die Heilige Gees wat Hy aan ons gegee het.


Liefde en vrede vir julle almal.